ចែកមឈូស ខុសដែរទេ?

giving tomb to elderly in Cambodia

ខ្ញុំដកខ្លួនពីការបញ្ចេញមតិក្នុងបណ្តាញសង្គមហើយ បើឃើញនៅតែនិយាយនៅទីនោះ ជួយរំលឹកផង ហេហេ នឹកថាចង់និយាយតែម្នាក់ឯងនៅទីនេះវិញ ស្រណុកជាង មានអារម្មណ៍ស្រស់ថ្លាជាង។ ថ្ងៃនេះជាការចាប់ផ្តើមនៃការនិយាយតែម្នាក់ឯងរបៀបនេះ។ តោះយើង … ជាទូទៅ គំនិតមនុស្សគ្រប់គ្នាខុសៗគ្នា ព្រោះមនុស្សមានជំនឿខុសគ្នា មនុស្សមានយោបល់ខុសគ្ កម្រិតវប្បធម៌ខុសគ្នា ជាពិសេសបទពិសោធន៍ជីវិតខុសគ្នា។ តែទោះយ៉ាងណា យើងនៅរក្សាភាពថ្លៃថ្នូរក្នុងការពិភាក្សាដដែល ពីព្រោះពិភពលោកនេះ គេមិនបែងចែកសនិងខ្មៅ ដាច់ស្រលះពីគ្នាភឹងៗនោះទេ ត្រូវក៏មានខុសក្នុងនោះខ្លះដែរ។ ថ្ងៃនេះ ខ្ញុំឃើំញមានបងប្អូនយើងរិះគន់រឿងចែកមឈូសអោយចាស់ៗនៅឯស្រែ។ ភាគច្រើនគេរិះគន់ ព្រោះគេមានជំនឿថាចែកមឈូសអិញ្ចឹង ដូចចង់អោយពួកគាត់ឆាប់ស្លាប់ វាជាប្រថ្នូលមិនល្អ។ ព្រោះមឈូសគេទិញទុកដាក់មនុស្សពេលស្លាប់។ តាមពិត ពួកគាត់និយាយត្រូវដែរ ព្រោះអីបើទិញអីផ្សេងអោយយាយៗតាៗ គាត់នឹងបានប្រើប្រាស់ ទាន់ពេលពួកគាត់នៅរស់។ ជួយជាលុយក៏បាន ឬទិញជារបស់ប្រើប្រាស់ក៏បាន។ ការគិតបែបនេះគឺត្រឹមត្រូវ១០០%។ ខ្ញុំមិនជំទាស់នឹងយោបល់របស់បងប្អូននោះទេ ដែលគិតបែបនោះ គឺត្រឹមត្រូវហើយ។ តែគំនិតមួយជ្រុងទៀតគឺថា គាត់ពិតជាមិនអាចគេចវេសពីការស្លាប់បានមែន ៥ឆ្នាំទៀតក៏ដោយ ១០ឆ្នាំទៀតក៏ដោយ ឬយូរជាងនេះទៀតក៏ដោយ ក៏នៅតែមិនអាចគេចវេសបាន។ យើងត្រូវទទួលស្គាល់ការពិតមួយនេះ។ ហើយក្នុងករណីដែលទាន់គាត់នៅរស់ គាត់មានមឈូសមួយ ក៏ដូចជាមានផ្ទះមួយអិញ្ចឹងសម្រាប់ពេលគាត់លាចាកលោកទៅ បងសាកគិតមើលៗថា គាត់អាចអោយស្រណុកចិត្តជាងមែនទេ? គាត់ដឹងថា គាត់នឹងមិនក្លាយជាខ្មោចតៃហោង គ្នានដីកប់នោះទេ? … Read more

ការទិញលក់ផ្ទះបុរីពិភពថ្មី

ជាទូទៅ ការទិញលក់ផ្ទះត្រូវមានការកាត់ឈ្មោះផ្ទេរកម្មសិទ្ធិដោយដឹងលឺពីអាជ្ជាធរ តែដោយសារតែការទិញលក់ពីបុរីផ្ទាល់ នៅមិនទាន់មានប្លង់បំបែកក្បាលដី នោះអ្នកទិញគ្រាន់តែមានឯកសារទិញលក់ពីម្ចាស់បុរីតែប៉ុណ្ណោះ ដោយគេសន្យាថានឹងផ្តល់ឯកសារបំបែកក្បាលដីតាមក្រោយ។ ពេលបង់លុយគ្រប់តម្លៃផ្ទះ គេអាចនឹងជូនយើងនូវឯកសារបំបែកក្បាលដីដែលស្ថិតក្រោមឈ្មោះអ្នកឧកញ៉ា ហុង ពីវសិន។ តែមិនទាន់មានប្លង់រឹងដែលក្រសួងដែនដីធ្វើអោយនោះទេ។ ក្នុងករណីបើអ្នកជាអ្នកលក់ អ្នកអាចនាំអ្នកទិញទៅការិយាល័យបុរីពិភពថ្មីដើម្បីកាត់ឈ្មោះនៅត្រឹមក្រុមហ៊ុន ហើយផ្តល់ជូនអ្នកទិញនូវឯកសារបំបែកក្បាលដីដែលមានឈ្មោះហុង ពីវ។ ហើយការចំណាយសម្រាប់ការកាត់ឈ្មោះ ត្រឹមថ្ងៃ១៨ ខែមិនា ឆ្នាំ២០១៩ គឺតម្លៃ ៣០០ដុល្លារ។ ក្នុងករណីប្រសិនបើអ្នកជាអ្នកទិញ អ្នកគួរសួរគេ អោយកាត់ឈ្មោះដល់ខ័ណ្ឌដែលមានអាជ្ញាធរដឹងលឺត្រឹមត្រូវ។ ហើយមានបង់ពន្ធប្រថាប់ត្រាត្រឹមត្រូវ បើទោះបីជាប្លង់ទន់ក៏ដោយ កុំអោយមានបញ្ហាថ្ងៃក្រោយ ហើយអ្នកអាចជាអ្នកទទួលរងនូវការពិន័យពន្ធដារ។

ចំណុចត្រូវប្រុងប្រយ័ត្នពេលទិញអចលនទ្រព្យមិនទាន់ចុះបញ្ជី ក្រោយខែសីហាឆ្នាំ២០១៨

រាជរដ្ឋាភិបាលកម្ពុជាបានប្រកាសថា ចាប់ពីខែសីហា ឆ្នាំ២០១៨តទៅ រាល់ការទិញលក់ដីប្លង់ទន់ត្រូវមានការចូលរួមវាស់វែងដោយសូរិយោដីផងដែរ។ ការធ្វើបែបនេះ វាធ្វើអោយអ្នកទិញនិងអ្នកលក់មានទំនុកចិត្តជាងមុន។ តែទោះជាយ៉ាងណាក្តី ការួមបញ្ចូលសូរិយោដីនេះ ក៏បានរើរកកាយបញ្ហាដែលបានកប់ចោលក្នុងវិស័យអចលនទ្រព្យផងដែរ ដោយហេតុថា កាលពីមុនខែសីហា ឆ្នាំ២០១៨ មានអ្នកលក់ខ្លះធ្លាប់កាន់កាប់ប្លង់ស្លាបមាន់ (ប្ងង់រឹងពេលបច្ចុប្បន្ន) តែមិនបានផ្ទេរកម្មសិទ្ធិតាមបែបប្លង់រឹងនោះទេ បែរជាបានផ្ទេរកម្មសិទ្ធិត្រឹមឃុំទៅវិញ ដែលវាធ្វើអោយបាត់ដានថាដីនោះជាដីដែលមានប្លង់ស្លាបមាន់(ប្លង់រឹង) ដី្លខ្លះត្រូវបានគេលក់ប្រាំទៅប្រាំមួយដងរួចមកហើយក៏មាន មិនដឹងជាដល់ម្ចាស់ទីប៉ុន្មានទៅហើយ។ ហេតុដូច្នេះ អ្នកលក់ចុងក្រោយទេដែលជាប់រឿង ដោយហេតុថាទើបតែចាប់ពីខែ៨នេះទៅ ទើបមានសូរិយោដីចូលរួមក្នុងការផ្ទេរសិទ្ធិ ហើយពួកគេឆែកគល់បញ្ជីក៏ឃើញថាជាដីដែលមានប្លង់ស្លាបមាន់កាលពីមុន។ ហេតុដូច្នេះអ្នកលក់ចុះក្រោយ ត្រូវមានកាតព្វកិច្ច ស្វែងរកប្លង់ស្លាប់ដែលម្ចាស់មុនមាន មករត់ការផ្ទេរកម្មសិទ្ធិបែបប្លង់រឹង មិនអាចធ្វើតាមបែបដីមិនទាន់ចុះបញ្ជីបានទេ។ វាក៏បង្ហាញនូវជម្ងឺមួយរបស់សង្គមនេះផងដេរ ត្រង់ថាមេឃុំជាច្រើន បានស៊ុំគ្រលំជាមួយម្ចាស់មុន ព្រមបោះត្រាផ្ទេរកម្មសិទ្ធិប្លង់ទន់ នាពេលដែលដីនោះមានប្លង់ស្លាបមាន់ស្រាប់។ តែសួរថាត្រូវទៅរករឿងអ្នកណា? យើងសុទ្ធតែចង់បានដំណោះស្រាយ នឹងលក់អោយបានឆាប់ អាងនឹងយកប្រាក់ទៅវិនិយោគបន្ត អិញ្ចឹងមានតែចាយលុយបន្ថែម និងខាតពេលរង់ចាំបន្ថែម និងបុណ្យអោយអ្នកទិញយើងមិនរករឿងយើងទៅបា​​នហើយ។ សូរិយោដី​នឹងតម្រូវអោយអ្នកធ្វើដូចជា រកប្លង់ស្លាបមាន់ម្ចាស់ដើមមកវិញ ដើម្បីរត់ការផ្ទេរកម្មសិទ្ធិ។ ក្នុងករណីដែលប្លង់ស្លាបមាន់នោះបានបាត់ហើយ អ្នកត្រូវស្នើសូរិយោដីអោយជួយរៀបចំឯកសារប័ណ្ណកម្មសិទ្ធិទុតិយតា (បានន័យថាសុំធ្វើច្បាប់ចម្លងពីគល់បញ្ជី)។ ហើយវាអាចនឹងចាយពេលយូរបន្តិច ពិព្រោះគេត្រូវធ្វើការប្រកាសតាមកាស្សែត ផ្សេងៗ)។ ក្រោយពីអ្នកមានប័ណ្ឌកម្មសិទ្ធិទុតិយតានេះហើយ ទើបលោកអ្នកអាចរត់ការផ្ទេរកម្មសិទ្ធិតាមបែបដីប្លង់រឹងបាន។ មេរៀនដែលយើងអាចរៀនបានពីបញ្ហានេះគឺ យើងគួរតែស៊ើបពីប្រវត្តិដីមិនទាន់ចុះបញ្ជីពីសូរិយោដីជាមុនសិន មុននឹងបង់លុយផ្តាច់។

ល្បិចស៊ីពីលើរបស់អ្នកគួកជេ

អ្នកគួកជេ គឺជាអ្នកមានណែនាំអ្នកទិញ អោយអ្នកលក់ដីធ្លី/ផ្ទះ ហើយជួយសម្របសម្រួលដើម្បីកុម្មិសស្យុង៣% នេះជារឿងរ៉ាវធម្មតាដែលយើងទាំងអស់គ្នាបានដឹង ហើយទទួលយកបាន។ តែក្រៅពីប្រាក់៣%នេះ ក៏មានអ្នកគួកជេច្រើនអ្នកផងដែរដែលធ្វើល្បិចលក់ពីលើតម្លៃលក់តែម្តង។ ប្រភេទនៃការលក់ពីលើតម្លៃដើម៖ ១. ដោយការព្រមព្រៀងអោយលក់ពីលើ វាអាស្រ័យលើអ្នកលក់បានព្រមព្រៀងលក់ក្នុងតម្លៃមួយជាមួយអ្នកគួកជេ ហើយគួកជេទទួលការអនុញ្ញាតលក់បន្ត បើលក់បានលើសតម្លៃព្រមព្រៀងជាមួយម្ចាស់ដីប៉ុណ្ណា គឺស៊ីប៉ុណ្ណឹង បានន័យថាអ្នកគួកជេអាចយកប្រាក់ចំណេញនោះបាន។ អ្នកលក់ខ្លះអាចនឹងព្រម ដោយសារតែចង់បានលុយប្រញ៉ាប់ ហើយគិតថាដី ឬផ្ទះនោះពិបាកលក់ដោយខ្លួនឯងផ្ទាល់ ឬមិនសូវមានគេចាប់អារម្មណ៍ ធ្វើម៉េចអោយតែលក់បានឆាប់ ហើយគិតថាចំណេញល្មមទទួលយកបាន។ ឧទាហរណ៍៖ យាយសុខប្រញ៉ាប់លុយបានព្រមលក់ដីក្នុងតម្លៃ30000ដុល្លារ តែរកអ្នកទិញមិនបានក៏ទាក់ទងអ្នកគួកជេ ហើយអ្នកគួកជេ និងយាយសុខបានព្រមព្រៀងគ្នាថា បើលក់បានលើស30000ដុល្លារ ប្រាក់ដែលលើសនឹងបានទៅគួកជេ។ អិញ្ចឹងបើលក់បាន35000ដុល្លារ នោះ5000ដុល្លារនឹងបានទៅគួកជេ ទាំងខ្លួនមិនបានចេញដើមទិញដីនោះផង។ ហើយតែមិនស្រួល អ្នកគួកជេ ទារ៣%បន្ថែមពីយាយសុខទៀត អានឹងវាអាស្រ័យលើការព្រមព្រៀងភាគីទាំងពីរ។ តែយើងជាអ្នកលក់ ក៏ជួនកាល ព្រមធ្វើល្ងង់ក៏ល្ងង់ទៅ អោយតែបានលុយឆាប់។ ប្រសិនបើក្នុងករណីនេះ អ្នកលក់ប្រហែលជាមិនសូវក្តៅក្រហាយនោះទេ។ ហើយក្នុងករណីនេះ ខ្ញុំគិតថាអ្នកលក់មិនត្រូវផ្តល់ប្រាក់៣%នោះទេ ដោយហេតុថាគួកជេលក់ពីលើចំណេញកប់បាត់ទៅហើយ។ ២. លក់ពីលើដោយបោកប្រាស់តែម្តង តែវានៅមានករណីមួយទៀត ដែលក្នុងករណីអ្នកគួកជេមិនប្រាប់យើងថាខ្លួនលក់ពីលើតម្លៃលក់ គឺបន្លំលក់ពីលើម្ចាស់ដីតែម្តង ដោយយកលេសថានឹងអោយជួបអ្នកទិញ និយាយតទល់គ្នា ដល់ពេលទៅដល់ ថាអ្នកទិញគេរវល់ ចាំយូរពេក … Read more